Nëse nuk jeni vegetarian apo vegan, ka shumë gjasa që jeni një adhurues i madh i bacon-it – pasi është një ushqim i gjithanshëm, sidomos për mëngjes ose në atë sandwich klasik që përmendëm.
Por një pacient (emri i të cilit nuk është bërë publik), i cili ishte adhurues i madh i bacon-it – ashtu si shumë prej nesh – përfundoi në spital pasi vuante për javë të tëra nga dhimbje koke migrenoze të padurueshme dhe dhembje të forta në pjesën e pasme të kokës.
52-vjeçari iu nënshtrua disa analizave, të cilat zbuluan se truri i tij ishte i mbuluar me lezione në formë kiste. Dhe pas testeve të mëtejshme, u zbulua se ato kiste ishin të mbushura me larva të krimbave të zorrëve (tapeworm).
Këta krimba zakonisht gjenden te derrat dhe shkaktojnë një sëmundje të quajtur cisticerkoza.
Derrat shpesh janë bartës të parazitit Taenia solium, dhe truri i këtij burri ishte i mbushur me larvat e tij.
Siç mund të pritet, pacienti duhej të kalonte “disa javë” në kujdes intensiv, pasi krimbat kishin depërtuar në trurin e tij.
Ai u trajtua me ilaçe antiparazitare si dhe me ilaçe kundër inflamacionit për të reduktuar enjtjet që shkaktonin kistet dhe larvat.
Mjekët zbuluan më në fund burimin e larvave kur burri rrëfeu zakonet e tij të pazakonta për mëngjes.
Rezultoi se ai preferonte bacon-in të pjekur lehtë, pothuajse të gjallë – pasi nuk i pëlqente bacon-i i thekur apo krokant.
Mjekët arritën në përfundimin se “ky zakon i përjetshëm për bacon të butë” ishte shkaku kryesor i infeksionit.
Sipas udhëzimeve shëndetësore, për të shmangur helmimet ushqimore apo sëmundjet e transmetueshme, bacon-i duhet të gatuhet në një temperaturë të paktën 145°F (rreth 63°C).
Ndryshe nga pjesët më të mëdha të mishit, ku mund të kontrollosh lehtësisht temperaturën me termometër, bacon-i është shumë i hollë – gjë që e bën më të vështirë për t’u matur, por më të shpejtë për t’u gatuar.
Në dosjen e rastit thuhej se “konsumi i mishit të derrit të pagatuar mirë është një faktor rreziku teorik”.
Më tej shtohej:
“Historikisht, është shumë e pazakontë të hasësh mish derri të infektuar në SHBA, por ky rast mund të ketë ndikime në shëndetin publik.”
Sipas Food Republic, bacon-i duhet të lihet të qëndrojë në temperaturë ambienti për rreth 15 minuta para gatimit, që të piqet shpejt pa u djegur.
Ata këshillojnë:
“Vetëm disa minuta në banakun e kuzhinës do ta ngrohin bacon-in sa duhet për t’u gatuar njëtrajtësisht në furrë apo në tigan.”
Por paralajmërojnë gjithashtu:
“Mos harroni mishin në temperaturë ambienti për më shumë se dy orë, sepse mund të shumohet bakteri i dëmshëm në ushqim.”
Pra, nëse kështu shmangni krimbat, mund të shmangni edhe helmimin nga ushqimi./Prive By Liberta Spahiu
