Duket se miqësia e Sara Gjordenit me Antonela Berishën vazhdon të mbetet një temë e nxehtë dhe një burim i vazhdueshëm kritikash nga ndjekësit, edhe pse ngjarja që e nisi gjithçka (përplasja fizike e Antonelës me Klea Prengën) ka ndodhur kohë më parë.
E lodhur nga komentet e vazhdueshme, Sara ka vendosur të reagojë sërish përmes një postimi të gjatë në Instagram. Ajo tregon se kritikat vërshojnë sa herë ajo poston diçka që lidhet me Antonelën.
“Sa herë postoj që kam veshur diçka më vijnë me qindra mesazhe sesi mund të mbështes Antonelën,” shkruan Sara, duke treguar se përballja me këtë situatë është e përhershme.
View this post on Instagram
Në reagimin e saj, Gjordeni thekson se mbështetja e saj nuk është një miratim për veprimet e së kaluarës, por një “borxh” mirënjohjeje personale.
“Antonela ka qenë ndër të paktët personazhe të cilët më kanë mbështetur publikisht pa frikë atëherë kur shumë prej jush godisnit ku më dhimbte më shumë,” shpjegon ajo, duke iu referuar periudhave të saj të vështira.
Ajo vendos një kufi të qartë, duke u distancuar nga çdo veprim tjetër i Antonelës, por duke refuzuar të harrojë ndihmën që ka marrë:
“Nuk më intereson asnjë veprim tjetër i Antonelës,” shkruan Sara, “por as s’mund të bëj sikur kam harruar suportin e saj në momentet e mia më delikate.”
Ajo e përfundon deklaratën e saj, që e quan “të parën dhe të fundit” mbi këtë temë, duke thënë se për të vlen vetëm mirënjohja dhe se nuk dëshiron të përfshihet në gjërat e tjera.
“Për të tjerat nuk përzihem fare!” e mbyll ajo. /Prive By Liberta Spahiu
