Pritjes i erdhi fundi! Ajo që përflitej prej kohësh në korridoret e showbiz-it shqiptar tani është zyrtare. Grupi legjendar Babastars po rikthehet fuqishëm me një kapitull të ri të sagës së tyre më ikonike: “High”.
Pas publikimit të trailerit nga anëtarët kryesorë të grupit – Getoar Selimi (Geti), Majk, Skivi, Cozman dhe Onat – tashmë kemi edhe datën zyrtare.
Projekti i titulluar “HIGH 10” do të publikohet më 10 Dhjetor 2025, në orën 16:00.
Një dekadë “High” dhe rikthimi i shumëpritur Titulli “HIGH 10” nuk duket të jetë i rastësishëm. Ky projekt vjen fiks 10 vite pas publikimit të hitit masiv “High 3” (i lançuar në vitin 2015), duke shënuar kështu një përvjetor jubilar të një prej serive muzikore më të suksesshme në hip-hopin shqiptar. “High” nuk është thjesht një këngë, por një markë që ka definuar një epokë të tërë të Babastars.
Kush mungon në tryezë? Ndërsa fansat janë në delir për rikthimin e emrave si Skivi dhe Cozman në formacion, një detaj nuk ka kaluar pa u vënë re: mungesa e Agon Amigës. Reperi, i cili ka qenë një shtyllë kryesore e grupit dhe pjesë e pandarë e serive të mëparshme “High”, nuk figuron në këtë ribashkim. Kjo mungesë ka ngritur pikëpyetje të shumta në rrjet, duke lënë të kuptohet se ribashkimi, sado madhështor, nuk është i plotë.
Të mërkurën, sytë e të gjithëve do të jenë te kanali i Babastars. A do të jetë ky fillimi i një epoke të re dominimi, apo thjesht një homazh për të shkuarën? Mbetet për t’u parë. /Prive By Liberta Spahiu
