Ethet e festivaleve këtë vit kanë nisur me “këmbën e majtë” dhe polemika të forta.
Artisti Egzon Pireci është tërhequr zyrtarisht nga gara në Festivalin e Këngës, një vendim që ka ngritur shumë pikëpyetje.
Edhe pse në deklaratat e tij publike ai është kujdesur të ruajë etikën duke thënë se “nuk ka asgjë me festivalin”, prapaskenat, të paktën për artistë të tjerë, flasin ndryshe.
Burime të brendshme tregojnë se një pakënaqësi ka përfshirë artistët pjesëmarrës lidhur me çmimin e madh.
Flitet se fituesi mund të jetë paracaktuar ende pa nisur mirë gara, një “hije” që i ndjek shpesh festivalet shqiptare.
Në korridoret e festivalit zien debati se gara është thjesht formale dhe se preferencat e organizatorëve kanë vulosur tashmë rezultatin final, duke demotivuar disa nga artistët e tjerë.
Vërtetësia e kësaj meseleje nuk mund të thuhet me siguri por e sigurtë është që disa nga artistët po i druhen një gjëje të tillë. /Prive By Liberta Spahiu
