Christian Brückner, i dyshuari kryesor në rastin e zhdukjes së Madeleine McCann, ka dhënë intervistën e tij të parë ndërkohë që autoritetet gjermane kanë nisur një kërkim të ri për të gjetur prova që lidhen me vajzën e zhdukur.
Brückner, një shtetas gjerman, është aktualisht në burg për përdhunimin e një gruaje 72-vjeçare në Praia da Luz në vitin 2005, një krim që ai e mohon. Ai pritet të lirohet në shtator të këtij viti nëse nuk ngrihen akuza të tjera kundër tij.
Në intervistën e tij, Brückner ka thënë se është “aq i njohur sa një qen me ngjyrë” dhe ka shtuar se nëse lirohet, do të largohet nga Gjermania për në një vend që nuk ka marrëveshje ekstradimi.
Ai gjithashtu ka përmendur se është sulmuar nga një i burgosur tjetër, duke thënë se “të paktën një brinjë është thyer”.
Për më tepër, ai ka shprehur dëshirën për të ngrënë një “steak” dhe për të pirë birrë pas lirimit të tij.
Në lidhje me Madeleine McCann, Brückner ka refuzuar të përgjigjet në pyetje që lidhen me zhdukjen e saj, duke iu referuar këshillës së avokatëve të tij.
Ai ka mohuar çdo përfshirje në rastin e Madeleine McCann.
Ndërkohë, autoritetet gjermane kanë nisur një kërkim të ri në një zonë pranë pronës ku Brückner ka jetuar, në Algarve të Portugalisë, për të gjetur prova që lidhen me Madeleine McCann.
Ky është kërkimi i parë i madh në këtë rajon në më shumë se dy vjet.
Nëse hetuesit arrijnë të lidhin Brückner me zhdukjen e Madeleine McCann, ata mund të ngrejnë akuza të reja dhe ta mbajnë atë në burg./Prive By Liberta Spahiu
