Pas ngjarjes së fundit që përfshiu reperin Noizy, një reagim i menjëhershëm ka ardhur nga Stresi, i cili ka ndarë një mesazh të fortë përmes një InstaStory.
Stresi u shpreh i bindur se situata që ka ndodhur nuk është e rastësishme, por sipas tij, është një “skenim i qëllimshëm” për të dëmtuar imazhin e Noizyt, pikërisht në momentin kur ai dhe grupi i tij kanë nisur projekte të reja dhe koncerte.
“Jam 100% i sigurt që kjo është një keqkuptim i madh. Është një lojë për ta nxjerrë Noizyn keq në sy të publikut, pikërisht tani që kanë filluar koncertet e projektet. Kjo është padrejtësi totale,” – shkroi Stresi.
Ai shtoi se një nga gjërat më të dhimbshme në shoqërinë shqiptare është gëzimi që disa ndjejnë për fatkeqësitë e të tjerëve, duke lënë të kuptohet se shumë janë të gatshëm të hedhin baltë mbi dikë sapo t’u jepet mundësia.
“Në Shqipëri, kur t’i bie një halli, tjetri e feston. Kjo është shumë keq…” – përfundoi ai.
Ky reagim i hapur vjen në një moment delikat për Noizyn, ndërsa publiku është ende në pritje të sqarimeve zyrtare për situatën që po qarkullon në media. /Prive By Liberta Spahiu
View this post on Instagram
