Pak ditë para nisjes së edicionit të katërt të “Big Brother VIP Kosova”, i cili pritet të fillojë të hënën, Juliana Nura ish-banorja e edicionit të parë, ka reaguar me një këshillë të drejtpërdrejtë për konkurrentët e rinj.
Juli, e njohur si një nga ish-banoret më të komentuara të “Big Brother VIP 1”, ka shfrytëzuar Instagramin për të ndarë mendimin e saj rreth mentalitetit që duhet të kenë banorët që hyjnë në shtëpi.
Ajo ndau në Story një paralajmërim të qartë, duke u shprehur:
“Ishalla sivjet s’dëgjojmë ‘kena me kall, kena me kall Big Brotherin’. Çika edhe djem, hyni në lojë. Pas 1 muajsh, 2, veprat tregojnë vetë kush është i suksesshëm në lojë. Që në start dihet që është dështim kush thotë ‘kena me kall’.”
Juli e përfundoi deklaratën e saj duke thënë:
“Njeriu strateg nuk fol shumë, veprat flasin për të”.
Me këtë deklaratë, Juli, e cila është një zë i njohur në opinionin publik për komentet e saj pa filtra, këshillon banorët e rinj që të fokusohen tek veprimet dhe loja e tyre brenda shtëpisë, në vend që të bëjnë deklarata pompoze në hyrje. Këshilla e saj vjen si një thirrje për një lojë më autentike dhe më pak të bazuar në premtime boshe.
Edicioni i ri i “Big Brother VIP Kosova” pritet të nisë ditën e hënë, dhe kurreshtja se kush do hyjë natën e parë në shtëpi veçse ka nisur të bëhet e madhe për publikun. /Prive By Liberta Spahiu
