Pas publikimit të këngës “Tint”, që mori pëlqyeshmëri të menjëhershme nga ndjekësit, Tayna, Kresha dhe Lyrical Son kanë konfirmuar edhe një herë se janë ndër emrat më të fortë të skenës shqiptare.
Projekti është lansuar para pak ditësh dhe menjëherë mori vëmendje për stilin, energjinë dhe bashkëpunimin unik të treshes.
Së fundmi, Tayna ka ndarë me ndjekësit disa pamje nga prapaskenat e klipit, ku shihet duke u përgatitur për skenat e xhirimit. Videoja tregon atmosferën dinamike, ekipin në veprim dhe përkushtimin që qëndron pas realizimit të një videoklipi.
“Si prapaskenat, si paraskenat…” – shkruan Tayna në përshkrim, duke lënë të kuptohet se çdo aspekt i projektit ishte i menduar në detaj.
Komentet nga fansat nuk kanë munguar, duke e cilësuar “Tint” si një super projekt vere, ndërsa prapaskenat i kanë quajtur “si serial”. /Prive By Liberta Spahiu
View this post on Instagram
