Albana Bejko, prezantuesja e njohur sportive, ka folur për herë të parë pas denoncimit ndaj psikiatrit nga Kosova, Behar Kamberi.
Ajo ka rrëfyer se komunikimi i parë me të ka ndodhur që në vitin 2020, kur Kamberi i kishte shkruar për herë të parë në rrjetet sociale.
Pas disa viteve, gjatë verës së kaluar, ata janë rastisur në një lokal ku ai i kishte kërkuar të bënin një foto. Por më pas, sipas Albanës, mesazhet e tij u bënë të vazhdueshme dhe shqetësuese, duke i shkaktuar ankth dhe parehati.
Në emisionin “Goca dhe Gra”, u publikuan disa prej komunikimeve të psikiatrit me prezantuesen.
Në to, ai i është drejtuar me fjalë të tilla si: “Prsh: Albanë nga Behari. Unë jam Burri Ideal për Ty. Jam Doktor-Intelektual, Gjentilmen, i bukur, i sinqertë… Këto janë tiparet që përmbush, kështu që mos hezito më. Por eja martohemi e jetojmë së bashku në një banesë këtu në Prishtinë apo edhe në Tiranë.” Në fund, Albana i ishte përgjigjur prerë: “Guxove të më shkruash edhe një herë, do të denoncoj në polici.”
Në një tjetër mesazh të dërguar përmes emailit, Kamberi i shkruante: “Tashmë pasi që ne po njihemi prej kohësh… kam një ftesë për kafe me Ty.
Me qëllim që të vazhdojmë komunikimin e diskutimet për së rafshi në tavolinë. Jam në pritje, më lajmëro.”
Albana ka theksuar se për më shumë se një vit ka marrë mesazhe të vazhdueshme nga ai, që i kanë shkaktuar stres dhe shqetësim të madh. Ajo ka falënderuar policinë për mbështetjen e dhënë, por ka shprehur zhgënjim për mënyrën si prokuroria ka trajtuar çështjen, duke e cilësuar vlerësimin e saj si “sipërfaqësor”. /Prive By Liberta Spahiu
Pamjet: Top Channel
Pamjet: Top Channel
