Përplasja mes dy figurave më të zhurmshme të skenës politike dhe teknologjike amerikane po merr përmasa të reja.
Elon Musk kohët e fundit është shprehur publikisht:
“Unë nuk kam më besim tek asnjëra nga partitë ekzistuese. Po mendoj për një alternativë të tretë.”
Kjo deklaratë ka shkaktuar një reagim të ashpër presidenti amerikan Donald Trump, i cili në një postim të gjatë në rrjetet sociale ka kritikuar ashpër CEO-n e Tesla-s dhe SpaceX-it.
Trump shkruan:
“Jam i trishtuar që shoh Elon Musk të dalë plotësisht nga binarët, është kthyer në një katastrofë treni gjatë pesë javëve të fundit. Do të nisë një Parti të Tretë Politike, kur sistemi në SHBA nuk është ndërtuar për këtë.”
Në deklaratën e tij, Trump vë theksin edhe te një çështje që duket se e ka prekur personalisht: ligji i ri që heq detyrimin për blerjen e automjeteve elektrike (EV Mandate), i cili është anuluar me nismën e tij.
Ai thotë se kjo ishte një pikë për të cilën Elon kishte rënë dakord më parë, por tani po ndryshon qëndrim.
“I kërkova Elonit nëse e dinte që do të anuloja këtë mandat. Më tha se nuk kishte asnjë problem me këtë dhe u habita shumë!” – thotë Trump.
Për më tepër, presidenti shprehet i shqetësuar për ndikimin e Musk në NASA, duke kritikuar emërimin e një mikut të ngushtë të tij në krye të agjencisë hapësinore, një person që, sipas Trump, “është një demokrat i thekur dhe nuk ka kontribuar kurrë për republikanët.” / Prive By Liberta Spahiu.
