Adri dhe Iliriana nuk janë larguar kurrë nga vëmendja – përkundrazi, prej përfundimit të “Big Brother VIP Kosova 2”, ata kanë qenë vazhdimisht në sy të publikut dhe mediave, duke sjellë një sërë projektesh që kanë dëshmuar se fama e tyre nuk ishte e përkohshme.
Me çdo hap që kanë bërë, qoftë në rrjete sociale apo në muzikë kanë ditur ta ruajnë kuriozitetin dhe interesimin e publikut, duke i kthyer momentet e tyre intime në fuqi të brandit të tyre si çift.
Projekti i fundit, “Jasha Habibi”, është vetëm vazhdimi logjik i një serie suksesesh.
Kënga, me ritme të nxehta orientale dhe tekst tërheqës, është krijuar për të ndezur atmosferën verore dhe për të afirmuar akoma më shumë pozitën e tyre si një ndër çiftet më me ndikim në skenën shqiptare të showbiz-it.
Videoklipi është realizuar nga “N’Skenë”, teksti dhe muzika nga Kreshnik Avdiu dhe orkestrimi nga Arti Rec – një skuadër që siguron cilësi dhe freski.
“Jasha Habibi” është një himn veror, me energji, stil dhe identitet – e përkryer për të mbajtur gjallë ritmin e hit pas hiti që Adri dhe Iliriana kanë ndërtuar sidomos dy vitet e fundit. /Prive By Liberta Spahiu
