Joe Biden iu nënshtrua së fundmi një operacioni për të hequr lezione të kancerit të lëkurës, tha zëdhënësja e tij.
Kjo procedurë është sfida më e fundit shëndetësore për ish-presidentin amerikan, zyra e të cilit njoftoi në maj se ai ishte diagnostikuar me një formë agresive të kancerit të prostatës që ishte përhapur në kocka.
Në atë kohë, zyra e tij njoftoi: “Javën e kaluar, Presidenti Joe Biden u ekzaminua për një nyje të re në prostatë pas përjetimit të simptomave urinare në rritje.
Të premten ai u diagnostikua me kancer të prostatës, i karakterizuar nga një rezultat Gleason prej 9 (Grupi i Gradës 5), me metastaza në kocka.”
Deklarata vazhdoi: “Edhe pse kjo përfaqëson një formë më agresive të sëmundjes, kanceri duket të jetë i ndjeshëm ndaj hormoneve, gjë që e bën të mundur menaxhimin efektiv të tij.
Presidenti dhe familja e tij po shqyrtojnë opsionet e trajtimit me mjekët e tij.”
Tani zëdhënësja e Biden-it, Kelly Scully, ka konfirmuar se ai ka kryer operacion, pasi u publikua një video ku ai shihet duke dalë nga kisha në Delaware me një shenjë të freskët në ballë.
Ajo tha se ai iu nënshtrua kirurgjisë Mohs – një procedurë që përdoret për të prerë shtresë pas shtrese të lëkurës derisa të mos mbeten më gjurmë të kancerit.
Dy vite më parë, ndërkohë që Biden ishte ende në detyrë, ai kishte hequr një lezion nga kraharori.
Lezioni rezultoi të ishte karcinomë bazale e qelizave – një formë e zakonshme e kancerit të lëkurës, për të cilën është trajtuar së fundmi edhe kuzhinieri i njohur Gordon Ramsay. /Prive By Liberta Spahiu
