Një shëtitje e zakonshme në natyrë u kthye në një përjetim të pazakontë për frizerin e njohur Kaci Lleshi dhe grupin që e shoqëronte, përfshirë Vjollca Llapashticën dhe profesoreshën Jozefinë Dodaj.
Teksa po ecnin në shpatet e bukura të peizazhit të mbrojtur të Gërmisë, ata kanë hasur në një kafshë të madhe që për disa u duk si ari.
Një moment që padyshim ka ngritur pyetje për sigurinë në shtigje, sidomos gjatë muajve të ngrohtë kur aktiviteti i faunës shtohet.
Dëshmitarë të tjerë pretendojnë se një kafshë e ngjashme është parë edhe një ditë më parë. Edhe pse fatmirësisht nuk ka pasur asnjë incident, situata na rikujton rëndësinë e respektimit të habitatit natyror dhe vigjilencës gjatë ecjeve në natyrë.
Sipas njohësve të faunës, shfaqja e ndonjë kafshe të madhe si derri i egër është më e mundshme sesa ajo e arinjve në Gërmi – zonë që nuk është habitat natyral për këtë lloj. Por natyra gjithmonë surprizon!
Pamjet më poshtë tregojnë momentin e ngjarjes. /Prive By Liberta Spahiu
