Dafina Zeqiri rikthehet fuqishëm në skenë me koncertin më të shumëpritur të fundvitit, “SUPERNOVA”, që do të mbahet më 25 dhjetor 2025 në Sallën “1 Tetori” në Prishtinë.
Ky koncert shënon rikthimin e madh të artistes pas një periudhe të gjatë pauze, që erdhi pasi Dafina solli në jetë djalin e saj, Daskan.
Me një karrierë që tashmë numëron gati 20 vite, ajo pritet të sjellë në skenë një përmbledhje të hiteve që kanë shënuar gjenerata të tëra, nga fillimet e saj e deri te projektet më të fundit.
“SUPERNOVA” nuk është thjesht një koncert, por një përvojë e plotë me performanca spektakolare, pamje magjike dhe energjinë karakteristike që vetëm Dafina di ta dhurojë.
Biletat janë tashmë në shitje në faqen dafinazeqiri.tickets, me çmimet:
Regular: 29 euro
Fan Pit: 39 euro
VIP: 79 euro
Një rikthim që fansat e kanë pritur gjatë, në një natë që pritet të shndërrohet në një nga momentet më të paharrueshme të muzikës shqiptare. /Prive By Liberta Spahiu
