Ylli i New York Knicks, Karl-Anthony Towns (30) dhe Jordyn Woods (28), shpallën fejesën këtë të enjte, më 25 dhjetor.
Çifti numëron tashmë pesë vite lidhje së bashku.
“Marry Christmas 🎄❤️💍” (një lojë fjalësh mes “Gëzuar” dhe “Martohu”), shkroi çifti në Instagram, duke postuar fotot e propozimit në tarracën e një bari në Nju Jork.
Woods ishte veshur me të bardha, ndërsa Towns me një pallto kamoshi.
Edhe pse njiheshin prej kohësh, ata nisën lidhjen në vitin 2020 dhe e bënë atë zyrtare po atë vit.
Gjatë përvjetorit të parë, çifti tregoi se si dashuria i ndihmoi të kalonin sfida të vështira, përfshirë humbjen e nënës së Towns.
“U takuam si miq, por pandemia na detyroi të zgjidhnim nëse do të mbeteshim të tillë apo do të bëheshim diçka më shumë,” shpjegoi basketbollisti.
“Dhe ne zgjodhëm këtë të fundit.”
Në një intervistë të dhënë për revistën PEOPLE, Woods theksoi se baza e marrëdhënies së tyre është miqësia dhe besimi. “Është bukur të dalësh me mikun tënd më të mirë.
Ne njohim zemrat e njëri-tjetrit në ditë të mira dhe të këqija,” u shpreh ajo. Madje, në përvjetorin e tyre të katërt, ajo i dedikoi atij këngën “Be with You.”
Towns vlerësoi përkushtimin e Woods dhe mbështetjen e saj të përditshme, sidomos përfshirjen e saj në botën e basketbollit.
“Kam parë ndikimin që gratë e mira kanë në jetën e burrave tek mamaja dhe motra ime,” tha ai për PEOPLE.
“Jam i bekuar që e vlerësoj Jordyn-in për mbështetjen e saj të veçantë.” /Prive By Liberta Spahiu
View this post on Instagram
