Artisti i njohur Bardhi ka publikuar së fundmi projektin e tij më të ri muzikor, një EP (Mini-album) të titulluar “Terapi”.
Ky lançim vjen si një dhuratë për ndjekësit e tij besnikë, duke sjellë një frymë të re dhe tekste mjaft emocionale, ashtu siç vetëm Bardhi di të përcjellë.
EP-ja përbëhet nga pesë këngë të reja, të cilat janë publikuar të gjitha në kanalin e tij zyrtar në YouTube.
Titujt që përfshihen në këtë projekt janë:
* Anxhelina
* Nuk e meritoj
* U dorezove
* Ajo mo nuk m’foli
* Gaboj
Nga titujt dhe estetika vizuale e projektit, vërehet një rrymë melankolike dhe personale.
Çdo këngë duket se trajton tema të ndjeshme të dashurisë dhe përjetimeve të brendshme, duke u qëndruar besnik motiveve që e bënë Bardhin një nga emrat më të dashur të muzikës moderne shqiptare. /Prive By Liberta Spahiu
