Pas një pauze të gjatë në skenën muzikore, Erzana Berisha – motra e këngëtarit të njohur Lindon Berisha – ka vendosur t’i rikthehet pasionit të saj më të madh, muzikës.
Lajmin e ka bërë të ditur vetë artistja përmes një postimi në rrjete sociale, duke emocionuar fansat e saj që e kanë ndjekur që në fillimet e karrierës.
Erzana është e njohur për hitet e saj që në kohën e lansimit pushtuan publikun, si “Në mes nate” dhe “Ti nuk je ai”, të cilat mbeten edhe sot ndër këngët më të pëlqyera të saj. Me një zë unik dhe interpretim të veçantë, ajo arriti të krijojë një vend të rëndësishëm në muzikën shqiptare, duke fituar dashurinë e një audience të gjerë.
Pas shumë vitesh larg skenës, Erzana ka gëzuar publikun me një lajm të veçantë: albumi i saj i publikuar dekada më parë tashmë mund të dëgjohet edhe në gjuhën shqipe përmes platformave digjitale. “25 vite më vonë, më në fund mund ta dëgjoni albumin e saj në shqip”.
Ky rikthim shënon një hap të rëndësishëm për karrierën e saj dhe ka zgjuar nostalgjinë e publikut që u rrit me këngët e saj. /Prive By Liberta Spahiu
View this post on Instagram
