Mbrëmë, në qytetin e tij të lindjes Shkodër, këngëtari i njohur Luiz Ejlli mbajti një koncert spektakolar, duke mbledhur mijëra fansa dhe duke i dhuruar publikut një mbrëmje të paharrueshme.
Atmosfera ishte e jashtëzakonshme, ndërsa Luizi emocionoi publikun me interpretimet e tij plot ndjenjë dhe energji.
Në këtë mbrëmje të veçantë nuk munguan as momentet prekëse.
Nëna e tij, partnerja Kiara dhe vajza e vogël, Luna Mari, ishin të pranishme për të përjetuar nga afër suksesin dhe emocionet e Luizit. Në një moment, ndjekësit e shumtë e rrethuan Kiara Titon, e cila e pushtuar nga emocionet nuk arriti t’i mbajë lotët.
View this post on Instagram
Një nga kulmet e koncertit ishte kur Luizi surprizoi publikun duke marrë në skenë vajzën e tij, Luna Marinë, teksa performonte në skenë.
Ky moment i ëmbël dhe i ndjerë u prit me duartrokitje të forta nga mijëra fansa që kishin mbushur vendin.
Koncerti i Shkodrës u shndërrua jo vetëm në një festë të muzikës, por edhe në një dëshmi të lidhjes së fortë mes Luiz Ejllit, familjes së tij dhe publikut shkodran që e ka mbështetur fuqishëm në çdo hap të karrierës.
Një mbrëmje që do të mbetet gjatë në kujtesën e qytetit dhe të gjithë atyre që patën fatin të jenë aty! /Prive By Liberta Spahiu
@luiz_kiara_fansclub #luizejlli #lunamariejlli ♬ original sound – Luiz & Kiara 
