Këngëtarja e njohur, Kida, ka dëshmuar edhe një herë dashurinë e saj ndaj të fejuarit duke e surprizuar Ajbin, me një dhuratë tejet luksoze për ditëlindje.
Ishte i fejuari, i cili e bëri të ditur dhuratën përmes një postimi në Instagram Story, ku shprehu falënderimet e tij për partneren e tij Kidën.
View this post on Instagram
Në foton e shpërndarë, shihet qartë një orë prestigjioze e markës Rolex, e vendosur me kujdes në kutinë e saj jeshile.
Ora, një model Rolex Datejust, spikaste me numratorin e saj me ngjyrë blu dhe me detajin e veçantë të diamanteve në vend të shifrave, duke i dhënë asaj një pamje tejet elegante dhe të vyer.
E tillë dhuratë, me elementë si diamantet dhe dizajni ikonik i Rolex, e bën vlerën e saj të kalojë lehtësisht shifrën e 10 mijë eurove, duke u renditur kështu ndër dhuratat më të shtrenjta dhe të veçanta.
I emocionuar nga ky gjest i bukur, Ajbi shkroi në postimin e tij: “Një dhuratë e bukur nga një grua e bukur”, duke e shoqëruar me disa emoji që shprehnin dashurinë dhe vlerësimin. /Prive By Liberta Spahiu
