Pas shpërthimit të fundit të Kanye West në rrjetet sociale, tensionet kanë shpërthyer edhe jashtë ekranit. Kim Kardashian, e cila ka qenë në qendër të polemikave të shumta për shkak të lidhjes së saj me reperin, ka marrë një hap të papritur për të ofruar mbështetje ndaj Beyonce, pas komenteve të tij shqetësuese për binjakët 7-vjeçarë të këngëtares, Rumi dhe Sir.
Deklaratat e Kanye-së kanë shkaktuar tronditje, duke shtuar më shumë tensione në një situatë tashmë të ndjeshme, dhe, siç raportojnë burime të afërta, Kim ka ndjerë se ishte detyra e saj të kontaktonte Beyoncé në mënyrë private për t’i shprehur keqardhjen e saj dhe për t’i ofruar mbështetje.
Pavarësisht se Kim po kalon një periudhë të vështirë për shkak të marrëdhënies së saj të tensionuar me Kanye-n, ajo ka treguar një anë të dhembshurisë, duke dëshmuar se, përtej diferencave personale, ndjenjat për fëmijët janë ato që kanë rëndësi.
“Padyshim, Kim nuk mund ta kontrollojë sjelljen e Kanye-t, por ajo e ka të vështirë të mbetet indiferente ndaj kësaj situate”, – tha një burim i afërt.
Beyonce, gjithashtu, thuhet të ketë qenë e tronditur nga sjellja e West, dhe të dyja gratë kanë bashkuar shqetësimet e tyre për sigurinë e fëmijëve të tyre.
Për më tepër, Kardashian dhe Beyonce janë në kontakt me individë që mund të arrijnë te Kanye, në një përpjekje të vazhdueshme për ta bindur atë të kërkojë ndihmë dhe të marrë përgjegjësi për veprimet e tij.
