Pas një periudhe qetësie që i shqetësoi jo pak fansat, aktori i njohur turk, Kıvanç Tatlıtuğ, është gati të pushtojë sërish ekranet.
Lajmi është konfirmuar nga vetë aktori pas një takimi “kokë më kokë” me producentin e famshëm të Ay Yapım, Kerem Çatay.
“U takuam pas një kohe të gjatë. Jemi shumë mirë dhe në formë të shkëlqyer. Kjo është e gjitha që mund të ndaj për momentin; së shpejti do të rikthehemi në ekran me projekte të reja,” deklaroi ylli turk.
Sipas mediave turke, bëhet fjalë për një dramë tradicionale turke, një zhanër ku Kıvanç ka shkëlqyer gjithmonë. Ndonëse ai u tregua i rezervuar me detajet, pritet që seriali të mbajë vulën e kompanisë prestigjioze Ay Yapım, e cila qëndron pas sukseseve më të mëdha botërore të kinematografisë turke.
Intervista u ndërpre: “Nuk shoh para syve!” Gjatë kësaj daljeje publike, nuk munguan as momentet e tensionit me gazetarët. Aktori u detyrua ta ndërpresë intervistën për shkak të dritave të forta të kamerave (flashet). “Miqtë e mi, nuk mund të vazhdoj. Dritat janë shumë të forta dhe nuk po shoh dot asgjë para meje, ju lutem më mirëkuptoni,” u shpreh ai përpara se të largohej.
🔥 Kıvanç Tatlıtuğ, yapımcılığını Ay Yapım’ın üstleneceği 1 dijital ve ana akım dizisiyle ekranlara geri dönüyor!
— Dizi Analiz (@dizianaIiz) December 17, 2025
Një detaj që po qarkullon me shpejtësi është emri i partneres së tij në këtë projekt. Shumë prej tyre aludojnë se krah tij do të jetë sërish aktorja e famshme Serenay Sarıkaya, duke kërkuar një ribashkim të dyshes që korri sukses të jashtëzakonshëm në projektet e fundit. /Prive By Liberta Spahiu
