Shtëpia e Big Brother VIP Albania kohëve të fundit ka marrë trajtën e një ambienti ku mbizotërojnë djemtë, ndërsa vajzat kanë mbetur një pakicë e theksuar që numërohen me gishtat e njërës dorë. Kjo situatë, e cila ka ndikuar në rrjedhën e debateve dhe aleancave, po ndryshon me ndërhyrjen e produksionit për të rikthyer balancat gjinore.
Emri më i ri që i bashkohet formatit është modelja Nikol Projko, hyrja e së cilës vjen në një moment kur shtëpia kishte nevojë për një energji të re femërore përballë grupit të konsoliduar të djemve.
Konfirmimi zyrtar erdhi pak më parë në valët e “Big Brother Radio” në Top Albania Radio, ku vetë Nikol ishte e ftuar përballë Elona Duros dhe Edea Demaliajt. Ajo pranoi sfidën për t’u bërë pjesë e lojës në këtë fazë të avancuar, duke ndarë emocionet e para para izolimit. Me një numër kaq të lartë banorësh meshkuj që aktualisht bëjnë ligjin në shtëpi, mbetet për t’u parë strategjia e modeles: a do të kërkojë mbështetjen e vajzave të pakta që kanë mbetur, apo do të luajë fort përballë djemve për të fituar territorin e saj. / Prive By Liberta Spahiu
