Alban Skënderaj ka publikuar këngën e tij më të re “Aulona”, në bashkëpunim me artistin e madh Timo Flloko. P
rojekti i ri vjen si një baladë e ndjerë, që flet për dashurinë universale — atë ndjenjë që secili mund ta përjetojë në mënyrën e vet.
Në një postim emocionues, Skënderaj u shpreh:
“Aulona është një këngë që përçon një dashuri universale që secili mund ta bëjë të vetën! Një këngë që sipas meje patjetër hyn në kategorinë e këngëve më të bukura dhe të ndjera që unë kam shkruar deri më sot!”
Ai gjithashtu falënderoi Timo Fllokon për dimensionin e veçantë që i dha kësaj kënge, duke theksuar:
“Falë artistit të madh dhe mikut tim të dashur Timo Flloko, kjo këngë ka arritur një dimension të ri ndjenje dhe thellësie, duke u shndërruar në një rrëfim të shpirtit.”
“Aulona” tashmë është publikuar në Youtube dhe u prit me shumë emocion nga publiku, si një nga projektet më të ndjera të karrierës së Alban Skënderajt. /Prive By Liberta Spahiu
