Andy Byron, CEO i kompanisë teknologjike Astronomer, është në qendër të një skandali personal që po përhapet me shpejtësi në internet.
Një video e kapur në një koncert të Coldplay, ku ai shihet duke përqafuar ngrohtësisht kolegen Kristin Cabot, është bërë virale dhe ka nxitur dyshime për një lidhje jashtëmartesore.
Pas përhapjes së pamjeve, bashkëshortja e tij, Kerrigan Byron, ka ndërmarrë një hap domethënës publik: ka hequr mbiemrin “Byron” nga profili i saj në Facebook.
Fillimisht profili i saj shfaqej si “Kerrigan Byron”, por tashmë figuron vetëm si “Kerrigan” – një sinjal i qartë se diçka po ndodh në prapaskenë.
Ky veprim ka ndezur rrjetin, me ndjekës që komentojnë se “gruaja foli pa thënë asnjë fjalë”, ndërsa të tjerë kërkojnë një reagim zyrtar nga Byron apo kompania e tij. Deri tani, asnjëra palë nuk ka bërë ndonjë deklaratë publike.
Për momentin, historia mbetet në qendër të vëmendjes si një shembull klasik i mënyrës se si një moment i kapur nga një smartphone mund të tronditë jo vetëm marrëdhënie personale, por edhe reputacionin publik të figurave të njohura. /Prive By Liberta Spahiu.
