Kerem Bürsin ka thyer heshtjen dhe ka konfirmuar më në fund lidhjen e tij të re.
View this post on Instagram
Aktori i famshëm turk tashmë është në një romancë me Selin Yağcıoğlu, influencuese dhe krijuese përmbajtjeje në rrjete sociale.
Kjo është lidhja e parë e konfirmuar publikisht pas ndarjes nga Melisa Tapan.
Prej javësh fansat dyshonin për një romancë mes tyre, pasi çifti shihej shpesh në të njëjtat vende. As Bürsin dhe as Yağcıoğlu nuk jepnin deklarata. Nuk kishte foto, as komente, as ndonjë shenjë që të tregonte se mes tyre kishte diçka. Gjithçka ndryshoi gjatë festës së ditëlindjes së Selinit.
Për 35-vjetorin e saj, Selin Yağcıoğlu zgjodhi një udhëtim të qetë e romantik në Kapadokia – larg zhurmës dhe ritmit të shpejtë të Stambollit. Kerem Bürsin iu bashkua festës së saj, duke konfirmuar kështu atë që fansat kishin dyshuar prej kohësh. Çuditërisht, kështu u bë “zyrtare” miqësia e tyre e afërt.
View this post on Instagram
Selin publikoi disa foto nga festa, ndërsa Keremi i bëri “like” dhe i dërgoi një emoji torte, gjesti i parë publik që tregonte qartë se mes tyre ka diçka më shumë. Fansat e kapën menjëherë dhe rrjetet sociale shpërthyen nga reagimet. Shumë njerëz e pëlqyen faktin që çifti e ka mbajtur gjithçka me qetësi, larg dramave dhe zhurmës mediatike.
Por historia ka edhe një detaj tjetër.
Një mike shumë e afërt e Selin Yağcıoğlu, Mehtap Algül, ka qenë më herët në një lidhje me vetë Kerem Bürsin. Kjo ngriti pikëpyetje në rrjetet sociale: A do të shkaktonte problem mes tyre?
Mehtapi reagoi menjëherë dhe në mënyrë shumë të qetë. Ajo tha se nuk është xheloze, nuk ka asnjë problem dhe i uron të dyve të mbeten të lumtur. Qëndrimi i saj i matur ndaloi thashethemet para se ato të shpërthenin.
Kerem Bürsin vazhdon të jetë një nga yjet më të ndjekur në Turqi, ndërsa Selin Yağcıoğlu është një emër i njohur në botën digjitale, me një audiencë të madhe online. Së bashku, ata u kthyen menjëherë në një nga çiftet më të komentuar të vitit.
Udhëtimi në Kapadokia i tejkaloi thjesht festimet e ditëlindjes, ishte mënyra e tyre e butë për t’i thënë botës: “Po, jemi bashkë.”
Dhe tani fansat mezi presin të shohin më shumë nga kjo lidhje që sapo ka nisur. /Prive By Liberta Spahiu
