Reperi i njohur shqiptar, Stresi, ka ngritur sërish zërin kundër asaj që ai e konsideron një krizë krijuese në skenën muzikore shqiptare.
Në një postim të fundit në Instastory, ai shkruan me ironi:
“Ket vit too much copy paste music why? dmth se di ose skeni bot n’kry.”
Ky mesazh është një kritikë e hapur ndaj artistëve që, sipas Stresit, nuk po sjellin më ide origjinale dhe të freskëta, por po e kopjojnë njëri-tjetrin vetëm për të qëndruar në skenë dhe për të mbajtur pozicionin në tregun muzikor.
Ai ngre dyshimin se mungesa e inovacionit dhe e përkushtimit ndaj krijimtarisë po shndërrohet në një problem serioz për industrinë.
Megjithatë, reperi nuk përmend emra konkretë, duke i lënë ndjekësit të interpretojnë dhe të spekulojnë mbi personat që mund të jenë në shënjestër të kritikave të tij.
Kjo qasje kritike nuk është e re nga Stresi, i cili njihet për stilin e tij të drejtpërdrejtë dhe provokues, si dhe për deklaratat që ngjallin gjithmonë debate të gjalla në publik dhe në media.
Pyetja që ngrihet tani është: a do të reagojnë artistët e tjerë ndaj kësaj thumbimi dhe a do të hapet një debat më i gjerë për origjinalitetin dhe krijimtarinë në muzikën shqiptare? Përgjigjet mbeten për t’u parë në ditët dhe javët në vijim.
Një gjë është e sigurt: Stresi nuk ka ndërmend të heshtë përballë mungesës së origjinalitetit dhe inovacionit në industrinë muzikore shqiptare, duke vazhduar të jetë zëri kritik që sfidon artistët dhe muzikën e sotme. /Prive By Liberta Spahiu
