Lajm i bukur për familjen e personazhit të njohur të rrjeteve sociale, Kozak Braçi!
Ai dhe partnerja e tij, Denisa, janë bekuar sërish me një fëmijë, duke u bërë kështu prindër për herë të dytë.
Ka qenë vetë Kozaku ai që ka ndarë lajmin e ëmbël me ndjekësit e tij përmes një postimi në Instastory.
Ai ka publikuar foton e parë të foshnjës së porsalindur, të mbështjellë me batanije në ambientet e spitalit, ndërsa portretin e të voglit ka zgjedhur ta mbulojë me një emoji zemre të kuqe për të ruajtur privatësinë.
Krahas pamjes, ai ka zbuluar edhe emrin mjaft të veçantë që kanë zgjedhur për djalin e tyre të dytë. “Mirëserdhe Masson,” – ka shkruar ai në mbishkrimin e fotos, duke zyrtarizuar ardhjen në jetë të anëtarit më të ri të familjes.
Me lindjen e Masson, gëzimi në familjen e tyre dyfishohet. Kujtojmë se Kozak dhe Denisa janë gjithashtu prindër të një djali më të madh, të quajtur Denaro, i cili tashmë ka marrë zyrtarisht statusin e vëllait të madh.
Shumë urime për çiftin dhe jetë të gjatë e të lumtur për të voglin Masson! /Prive By Liberta Spahiu
View this post on Instagram
