Nëse ka një marrëdhënie që po i jep publikut të “Big Brother VIP Kosova” një slitë emocionesh të vërteta, ajo është pa dyshim saga mes Albës dhe Limit. Vetëm pak orë pasi në shtëpi pati debate të ashpra, ku nuk munguan as tonet e larta dhe lotët e Albës, dyshja ka bërë një kthesë të papritur që ka lënë të gjithë pa fjalë.
Harrojeni për një moment dramën me Dolcen dhe deklaratat për “tërheqje”. Pamjet e fundit që po bëjnë xhiron e rrjetit tregojnë një realitet krejt tjetër. Limi, i cili vetëm pak kohë më parë i kërkonte Albës të “qepte gojën”, sot është parë duke e ngritur atë peshë në një përqafim që duket çdo gjë tjetër veçse miqësor.
Ky moment afrimiteti, ku Limi nuk përmbahet dhe e mban Albën në krahë, ka ngritur pikëpyetje të mëdha: A ishte gjithë ajo “luftë” thjesht një prelud i pasionit të ndrydhur, apo jemi dëshmitarë të një loje taktike për vëmendje?
Reagimet në rrjet janë të menjëhershme, ku ndjekësit po e cilësojnë këtë si “vulën e rilidhjes”, ndërsa të tjerë mbeten skeptikë mbi stabilitetin e këtij çifti që kalon nga “agonia në ekstazë” brenda ditës.
Mbetet për t’u parë nëse ky përqafim shënon fundin e dramave apo është thjesht qetësia para stuhisë së radhës në këtë marrëdhënie komplekse. / Prive By Liberta Spahiu
