Pas përfundimit të festivalit Sunny Hill, i mbajtur më 3 gusht, këngëtarja me famë botërore Dua Lipa ka zgjedhur që të vazhdojë pushimet në jug të Shqipërisë, së bashku me familjen e saj.
Ajo është vendosur në Kep Merli, një nga zonat më ekskluzive dhe më piktoreske të bregdetit shqiptar, ku ka qëndruar në një nga vilat më luksoze të zonës.
E cilat janë detajet më interesante të vilës? I kuptojmë bashkë në vazhdim.
Vila private ku pushon super ylli ndërkombëtar ka 6 dhoma gjumi, një pishinë përpara, si dhe një plazh të vogël privat, i cili është i qasshëm vetëm nga vila dhe nga deti, duke ofruar privatësi të plotë dhe qetësi absolute.
Ajo vlerësohet të ketë një çmim rreth 5 milionë euro, dhe ofron ambiente të brendshme të dizajnuara me standarde të larta luksi. Kuzhina, në veçanti, ka një nga pamjet më të bukura të ambientit të brendshëm, me një pamje të drejtpërdrejtë nga deti, që e bën përvojën edhe më të veçantë.
Gazetari i njohur Blendi Fevziu, në një video të publikuar vitin e kaluar, ka realizuar një tur të plotë të kësaj vile, ku ka ndarë shumë detaje interesante për arkitekturën, hapësirat dhe natyrën që e rrethon. Ai ka theksuar se përveç Dua Lipës, edhe shumë personalitete të tjera të njohura ndërkombëtarisht kanë qëndruar në të njëjtën vilë.
Kep Merli po kthehet gjithnjë e më shumë në një destinacion të preferuar për VIP-at dhe të huajt që kërkojnë luks, privatësi dhe bukuri natyrore, duke e vendosur Shqipërinë në hartën e destinacioneve elitare të Mesdheut./Prive By Liberta Spahiu
