Një skenë e rrallë dhe e pazakontë ka ardhur nga vizita e Kryeministrit Albin Kurti dhe deputetit Mefail Bajqinovci në spital, ku prej muajsh po rikuperohet aktori i njohur Osman Azemi pas një aksidenti të rëndë trafiku.
Kurti u shfaq me një buqetë me lule në njërën dorë dhe një “stupc” në tjetrën, një kombinim simbolik që menjëherë mori vëmendjen e publikut. “Buqetë me lule për shëndet të mirë, e ‘stupci’ për të larguar të ligat. Të paçim gjatë, Osman Azemi”, shkroi ai në rrjete sociale, duke përcjellë edhe një urim të ngrohtë për artistin.
Vizita e Kurtit dhe Bajqinovcit duket se riktheu buzëqeshjen tek Osmani, i dashur prej vitesh për publikun shqiptar përmes humorit dhe roleve të tij ikonike.
