Një vendim i orëve të fundit nga Departamenti Amerikan i Shtetit ka trazuar ujërat për miliona aplikantë vizash në mbarë botën, dhe fatkeqësisht, rajoni ynë është në listë.
Shtetet e Bashkuara kanë njoftuar pezullimin e përkohshëm të procesimit të vizave imigruese për qytetarët e 75 shteteve. Në këtë listë bëjnë pjesë zyrtarisht Kosova, Shqipëria dhe Maqedonia e Veriut.
Por, para se të shqetësoheni për planet tuaja të udhëtimit, është jetike të kuptoni se jo të gjitha vizat janë prekur. Prive ju sjell detajet e sakta se çfarë do të thotë ky vendim për ju.
Kjo është pyetja që po mundon të gjithë. Nëse keni një vizë turistike (B1/B2) ose planifikoni të aplikoni për një të tillë, jeni të qetë. Ky vendim NUK prek vizat jo-imigruese.
Udhëtimet për turizëm
Vizat studentore
Udhëtimet e biznesit …vazhdojnë të procesohen normalisht.
Kush preket nga ky vendim?
“Ngrirja” që hyn në fuqi më 21 Janar 2026, godet ata që synojnë të jetojnë përgjithmonë në Amerikë. Procesi do të pauzohet për:
Vizat e bashkimit familjar (nëse po prisni t’ju tërheqë dikush nga familja).
Lotarinë Amerikane (fituesit që janë në pritje të vizës).
Vizat e punësimit (që çojnë në Green Card).
Pse po ndodh kjo?
Arsyetimi zyrtar i Uashingtonit lidhet me atë që quhet “public charge” (barrë publike). Administrata amerikane ka vendosur këtë pauzë për të rishikuar procedurat e verifikimit, duke dashur të sigurohet që emigrantët e rinj nuk do të jenë të varur nga ndihmat sociale të shtetit amerikan sapo të shkelin atje.
Çfarë duhet të bëni?
Nëse jeni në proces për vizë imigruese (për letra), fatkeqësisht duhet të prisni. Ambasadat pritet të japin njoftime specifike për ata që kanë intervista të planifikuara pas datës 21 Janar.
Deri në një njoftim të dytë, ëndrra amerikane për ata që duan të zhvendosen atje përgjithmonë, është vënë në “stand-by”. /Prive Bruto
