Gazetari Burim Pacolli ka ndarë një reagim në Facebook pas një komenti të pazakontë që ka marrë në një prej postimeve të tij.
Ai ka shkruar se komentet e tilla zakonisht raportohen në polici, pasi përmbajtja i është dukur si një lloj kërcënimi pa sens logjik. “Qeky po më thojnë që është vëllai i Don Xhonit… a din me m’kallxu kush çka ka? Normalisht ky raportohet menjëherë në polici, ama keqyrja formën e t’shkrumenit, kesi kërcënimi që s’po ka sens as logjike – te një status për një këngë të Butës ma kish çu”, ka shkruar Pacolli.
Vëllai i reperit të njohur Don Xhon, Leonard Isufi, ishte ai që i kishte lënë komentin e diskutueshëm: “Burim shumë kam qef me t’taku edhe me t’respektu dej n’fyt, nashta t’takoj rastësisht”, fjali që u interpretua nga gazetari si kërcënim.
Pak më vonë, Leonard Isufi ka reaguar sërish për të sqaruar se gjithçka ishte keqkuptuar. “Një darkë për qefi në Drenicën legjendare, se i kom do ankesa për do rrugë t’pa shtrume n’lagje me bashk bisedu, jo diçka tjetër. Shpresoj që s’ka tingllu keq, se po e shoh që e paske marr ashtu. Nëse respekti ‘dej n’fyt’ u marrë si kërcënim, atëherë keqkuptim ka qenë”, ka shkruar ai.
Në komente është përfshirë edhe një ndjekës tjetër, që me tone ironike ka shtuar: “Jaran ti shumë mirë i paske shkru njeriut, s’u met njeri mjav mush gojën kujt me salsiçe as sen”.
Nuk dihet nëse bëhet fjalë për ironi apo një keqkuptim të sinqertë, por situata është komentuar gjerësisht në rrjete, me reagime të përziera mes humorit dhe habisë. /Prive By Liberta Spahiu.
