Pas një sage të gjatë kërkesash publike, e madje edhe protestash për t’u bërë pjesë e formatit, duket se Labinot Rexha më në fund po e realizon ëndrrën e tij.
Këngëtari shfaqur nga ambientet e shtëpisë më të famshme në Kosovë. Por, hyrja e tij nuk është ende e vulosur përfundimisht si banor me të drejta të plota.
Moderatori i programit, Alaudin Hamiti, ka bërë të ditur kthesën e papritur të kësaj ngjarjeje. Ai njoftoi se do të hapet një televotim i posaçëm, përmes të cilit “Vëllai i Madh” ia ka dorëzuar fuqinë publikut.
Do të jenë teleshikuesit ata që do të vendosin me votat e tyre nëse Labi do të vazhdojë të qëndrojë si banor zyrtar i “Big Brother VIP Kosova”, apo nëse aventura e tij do të përfundojë ende pa nisur mirë.
Mbetet për t’u parë nëse këmbëngulja e tij do të shpërblehet nga votat e publikut!
