Lady Gaga po bëhet gati për ditën e saj të madhe.
Fituesja e çmimit Grammy ka lënë të kuptohet se dasma e saj me të fejuarin Michael Polansky është shumë afër, teksa i ka kërkuar një nder mikut të saj, Bruno Mars.
Në një mesazh të regjistruar për Bruno-n gjatë një “TikTok Live” të tij në “Romantic Radio” më 6 mars, Gaga u shpreh: “Unë dhe i fejuari im kemi udhëtuar gjatë gjithë vitit. Por do të martohemi së shpejti, ndaj shpresonim që të zgjidhje një këngë të veçantë për ne.”
Bruno kishte sugjerimin perfekt për çiftin, të cilët u fejuan në prill të vitit 2024.
“Nëse po kërkon një këngë për t’ia dedikuar bashkëshortit tënd, unë do të zgjidhja nga ky albumi im i ri,” tha ai. “Do të shkoja me ‘Risk It All’. Kënga e parë. Kështu që dua t’ia dedikoj këtë Lady Gaga-s dhe të fejuarit të saj.” Duke u siguruar që edhe Michael ta ndjente dashurinë, Bruno shtoi: “Michael, kjo është edhe për ty.”
Ndërsa Gaga nuk ka ndarë datën e saktë se kur do të kurorëzojë dashurinë me partnerin e saj prej 7 vitesh, ajo foli për atë që pret nga kjo ditë. “Po përpiqem dëshpërimisht ta mbaj atë ngjarje sa më private,” tha 39-vjeçarja për E! News në mars 2025, “por mund të premtoj se do të jetë dita më e mirë e jetës sime.”
Për më tepër, fejesa e tyre e veçantë shërbeu si frymëzim për një nga këngët më speciale në albumin e saj të ri, Mayhem. Duke folur për këngën “Blade of Glass” (Fije bari), të cilën e shkroi bashkë me të fejuarin, Gaga tregoi: “Fillova të mendoja për gjithçka që kisha kaluar deri në atë moment. Kënga është disi emocionuese. Nuk do ta harroj kurrë kur po shkruanim urën e këngës, unë thashë: ‘Do të të jap diçka, por nuk është një unazë diamanti’. Dhe ai tha: ‘Ajrin që po thith’.” /Prive By Liberta Spahiu
