Ditë më parë, Geraldo dhe Rozafa u bekuan me një mrekulli të rrallë: ardhjen në jetë të katër foshnjave njëherësh, tre djem dhe një vajzë.
Megjithatë, gëzimi i familjes është zëvendësuar me pikëllim për shkak të problemeve serioze shëndetësore me të cilat erdhën në jetë katërnjakët.
Foshnjat kanë nevojë urgjente për ndërhyrje kirurgjikale jashtë vendit, pasi të katër rrezikojnë të humbasin përgjithmonë shikimin. Ky rrezik është më i lartë për dy prej tyre, të cilët kanë hemorragji në sy për shkak të çarjes së arterieve. Ndërsa dy bebet e tjera rrezikojnë të pësojnë po të njëjtat pasoja kritike nëse nuk ndërhyhet menjëherë.
Familja është përballur me shpenzime të mëdha mjekësore dhe, duke qenë në pamundësi për t’i mbuluar ato vetë, ka kërkuar ndihmën e popullit shqiptar.
Prindërit kanë hapur një fushatë në platformën GoFundMe me shpresën për të siguruar 100,000 euro (rreth $100,000 USD) të nevojshme për t’i siguruar katërnjakëve trajtimin e duhur.
Deri më tani, falë zemërgjerësisë së donatorëve, fushata ka arritur të grumbullojë një shifër të rëndësishme prej $60,660 USD, (afërsisht 52,435 Euro) të siguruara përmes rreth 1.6 mijë donacioneve. Kjo tregon një mobilizim të madh të komunitetit, por objektivi nuk është arritur ende.
Geraldo dhe Rozafa bëjnë një apel të fortë, duke u lutur për mbështetje financiare për të plotësuar shumën e nevojshme dhe për të shpëtuar katërnjakët nga humbja e shikimit. Ata theksojnë se ndërhyrja mjekësore duhet të kryhet sa më shpejt të jetë e mundur, para se të jetë tepër vonë për shëndetin e fëmijëve të tyre.
Ky është linku për GoFoundMe! Ndihmoni me aq sa keni mundësi! /Prive By Liberta Spahiu
