Trekëndëshi i krijuar në shtëpinë e Big Brother VIP Kosova po merr kthesa të papritura. Ndërsa vëmendja e publikut është te afrimiteti i madh mes Limit dhe Dolcës, një deklaratë e banorit për “të kaluarën” e tij me Albën ka trazuar ujërat.
Tashmë që Limi dhe Dolca kanë thyer akullin duke shkëmbyer puthje dhe duke u shfaqur të pandarë, duket se kapitulli me Albën është mbyllur përfundimisht për të, por jo pa lëshuar disa “shigjeta”.
Në një bisedë të fundit me Ludon, i pyetur se çfarë pëlqeu realisht tek Alba, Limi dha një përgjigje brutalisht të sinqertë. Ai u shpreh se nuk e pëlqente as stilin dhe as mendimet e saj, duke lënë të kuptohet se interesi ishte krejt tjetër.
“Ka nisë një lojë dhe edhe atje po mundohesha t’i tregoja që nuk më pëlqen stili yt, nuk më pëlqejnë mendimet e tua, mua nuk më pëlqen asnjë gjë. Por, më pëlqen më bë diçka tjetër”, është shprehur Limi.
Kjo deklaratë e fortë vjen në një moment të vështirë për Albën. Banorja po e përjeton rëndë situatën e krijuar brenda shtëpisë, duke parë Limin – djalin me të cilin kishte një histori pezull – të krijojë romancë me Dolcën para syve të saj. /Prive By Liberta Spahiu
