Pak javë më parë, Prive By Liberta Spahiu përmes rubrikës ‘E vërtetë, e pavërtetë’, ju njoftoi ekskluzivisht se këngëtari i njohur Liri Tahiri po niste një kapitull të ri në karrierën e tij si aktor, madje përtej oqeanit.
Një gjë të tillë e ka konfirmuar vetë artisti ditën e sotme, duke shuar çdo dyshim dhe duke vërtetuar lajmin e Prive By Liberta Spahiu.
Përmes një postimi në Instagram Story, Tahiri ka ndarë me ndjekësit pamje nga ajo që duket të jetë një set xhirimi.
Ai ka konfirmuar se është “gati për Hollywood” dhe ka paralajmëruar ndjekësit me frazën “Shihemi në Netflix!”.
Më tej, Liri ka zbuluar se ky është një “rrugëtim i ri” për të, që përfshin “gati 7 muaj punë e përkushtim”, duke shtuar se ndihet “çdo ditë më afër qëllimit” dhe se “tash, filmi i dytë amerikan veç ka nisur”.
Ky lajm vjen në kohën kur emri i Lirit është lakuar sërish si një prej banorëve të mundshëm të edicionit të ri të Big Brother VIP.
Megjithatë, me këtë konfirmim, duket se planet e artistit janë shumë më të mëdha dhe të fokusuara në arenën ndërkombëtare, duke hedhur poshtë zërat për pjesëmarrjen e tij në reality show. /Prive By Liberta Spahiu
