Ish-banorja e “Big Brother VIP 4”, Loredana Brati, ka qenë e ftuar sot në emisionin “Shqipëria Live”, ku foli hapur për përjetimet e saj brenda dhe jashtë shtëpisë më të famshme në Shqipëri.
Në një intervistë të sinqertë, Loredana komentoi ngjarjet e bujshme të javëve të fundit dhe veçanërisht ndaloi te momenti që tronditi publikun – përplasja fizike mes Jozefin Markut dhe Gjestit.
“Më trembi koka e Gjestit, dhe normale, skena ishte shumë e fortë,” – u shpreh ajo, duke reflektuar mbi incidentin që i la të gjithë pa fjalë.
Ajo zbuloi gjithashtu detaje nga biseda e fundit që kishte pasur me Jozin pas incidentit:
“Jozi erdhi tek unë e më tha ‘shko në studio’, dhe shtoi ‘më vjen keq’. Por as ai nuk ishte mirë, ishte shumë i ngarkuar.”
E pyetur nga moderatorja Sidorela Gjoni nëse është takuar me Jozin pas largimit nga shtëpia, Loredana u përgjigj shkurt: “Jo.”
Me tone të qeta, por të ndjera, Loredana la të kuptohet se përtej bujës mediatike, përjetimet e saj kanë qenë të forta – ndërsa lidhja me Jozin, mesa duket, ka marrë një pauzë pa shumë fjalë. /Prive By Liberta Spahiu
