Dy nga emrat më të dëgjuar të muzikës shqiptare, Butrint Imeri dhe Tayna, kanë lansuar bashkëpunimin e tyre më të ri me titull “Lot”, dhe kënga është shndërruar menjëherë në një superhit ndërkombëtar.
Bashkëpunimi i tyre ka pushtuar listat e trendeve në YouTube, duke u renditur në vendin e parë në Zvicër dhe Lihtenshtajn, si dhe në top 5 në Gjermani, Austri, Belgjikë dhe Mbretërinë e Bashkuar.
“Lot”, po bën bujë të madhe jo vetëm në trojet shqiptare, por edhe në tregjet më të mëdha muzikore evropiane. Me një stil të sofistikuar, një videoklip elegant dhe një bashkëpunim të fuqishëm mes dy artistëve të pëlqyer, kjo këngë po tregon se muzika shqiptare ka potencial të arrijë majat ndërkombëtare.
Nëse nuk e keni parë ende – “Lot” është kënga që duhet ta dëgjoni sot! /Prive By Liberta Spahiu
