Një situatë e papritur ka ndodhur në orët e para të mëngjesit në shtëpinë e Big Brother VIP Kosova. Ajo që nisi si një shaka nga ana e Benitës, ka përfunduar në një debat me tone të larta dhe nervozizëm të shprehur hapur nga Labi.
Gjithçka nisi kur banorët po bëheshin gati për të fjetur. Derisa Labi ishte shtrirë dhe po kërkonte qetësinë e natës, Benita i është afruar pranë krevatit me një pasqyrë me dritë të fortë. Ky veprim, i bërë në një moment kur lodhja ishte në kulm, ka thyer menjëherë qetësinë e dhomës së gjumit.
Reagimi i Labit ka qenë i menjëhershëm dhe mjaft i ashpër. Ai ka shpërthyer ndaj Benitës dhe banorëve të tjerë të pranishëm, Ludos dhe Elijonës. “Boll më, marre ju kofte!” ka bërtitur ai, duke lënë të kuptohet se durimi i tij ndaj shakave të tilla ka arritur limitin.
Pas debatit me ta, Labi filloi të qante! /Prive By Liberta Spahiu
