Aktori dhe moderatori i njohur shqiptar, Florian Agalliu, ka bërë një postim plot humor në rrjetet e tij sociale, i cili ka marrë një tjetër domethënie pas lajmeve të fundit nga SHBA.
Agalliu ka vënë në pah ngjashmërinë e tij të habitshme fizike me Zohran Mamdanin, i cili sapo fitoi zgjedhjet për Kryebashkiak të Nju Jorkut.
Në një video-montazh të publikuar në rrjetet e tij, Floriani shfaq një sekuencë të Mamdanit gjatë një daljeje për mediat, ku ky i fundit flet për Donald Trump. Krahas pamjeve të politikanit njujorkez, Agalliu ka vendosur një foto të vetes, duke theksuar tiparet e përbashkëta.
Për ta bërë shakanë më të qartë, moderatori ka shkruar: “Më thërrisni Mamdani”.
Kjo shaka e Florianit vjen në një kohë perfekte. Zohran Mamdani, një figurë e njohur e krahut progresiv në politikën amerikane, arriti një fitore historike të martën (4 Nëntor 2025), duke u zgjedhur Kryebashkiaku i ardhshëm i Qytetit të Nju Jorkut.
A ju duket që ngjajnë? /Prive By Liberta Spahiu
