Këngëtarja e njohur shqiptare, Melinda Ademi, ka njoftuar përmes një story në Instagram, se koncerti i saj i shumëpritur në Skenderaj, i planifikuar për sonte, është shtyrë për datën 1 gusht, për shkak të reshjeve të dendura të shiut që kanë përfshirë rajonin.
“Për shkak të reshjeve shiu në Skenderaj, koncerti anulohet dhe shtyhet me datën 1 Gusht”, ka shkruar Melinda në postimin e saj, duke treguar qartë përkushtimin ndaj sigurisë së fansave dhe njëkohësisht duke dhënë një premtim se spektakli nuk do të mungojë, vetëm do të vijë pak më vonë.
Ky koncert është pjesë e një serie performancash verore të Melindës, e cila ka qenë shumë aktive këtë sezon me projekte të reja dhe dalje publike, duke u shndërruar në një nga emrat më të kërkuar në skenat shqiptare. /Prive By Liberta Spahiu
