Sipas burimeve të Express, Cllevio ka nënshkruar që të ekstradohet në Shqipëri dhe të përballet me akuzat të cilat pretendon se janë ngritur nga kundërshtarët e tij.
Ai pritet të ekstradohet nesër më datë 8 tetor në Tiranë nga Interpol, ku edhe do të zbulohet më shumë rreth situatës së tij.
Cllevio ka qenë një ndër figurat më të komentuara të showbiz-it shqiptar, për shkak të deklaratave të forta, videove të shumta në rrjete sociale dhe përfshirjeve të tij në debate publike.
Mungesa e tij në këto muaj është vërejtur dukshëm në rrjet, ku fansat dhe ndjekësit kanë shprehur vazhdimisht kuriozitet për fatin e tij.
Tashmë, me ekstradimin e tij drejt Tiranës, vëmendja e publikut është rikthyer sërish tek Cllevio, nga i cili pritet versioni i tij për ngjarjet që çuan në arrestimin në Emiratet e Bashkuara. /Prive By Liberta Spahiu
