Supermodelja e njohur Bella Hadid është sërish “single”. 29-vjeçarja dhe i dashuri i saj prej dy vitesh, Adan Banuelos, i kanë dhënë fund lidhjes së tyre, siç konfirmojnë burime për “People” dhe “Entertainment Tonight”.
Sipas burimeve pranë ish-çiftit, Bella po përpiqet të qëndrojë pozitive dhe të shpërqendrohet nga ndarja duke u fokusuar te puna.
“Ajo është e zënë me projekte dhe po kalon kohë me miqtë e ngushtë. Ende po e proceson ndarjen pasi ishte një marrëdhënie shumë serioze,” u shpreh një burim i brendshëm.
Një histori dashurie larg vëmendjes së tepërt
Dyshja nisi takimet në tetor të vitit 2023, pasi Bella u zhvendos në Teksas për t’u shëruar nga sëmundja kronike e Lyme dhe për t’u fokusuar te vetëdashuria. Në një intervistë për “British Vogue”, Bella tregonte se takimi me Adan ishte një “frymëmarrje e freskët”, pasi ai nuk e njihte famën e saj kur u takuan për herë të parë.
Vetëm pak muaj më parë, në tetor, Banuelos i dedikoi fjalë prekëse modeles për ditëlindje:
“Edhe me gjithë kaosin dhe shëmtinë e botës, Zoti na dha diçka të pastër dhe të bukur. Të dua, vogëlushe,” shkruante ai në Instagram.
Dalja e fundit së bashku
Hera e fundit që çifti u pa në publik ishte dhjetorin e kaluar në Dallas, gjatë një eventi për markën e saj të parfumeve, “Orebella”. Ata u shfaqën mjaft të afërt dhe të dashuruar, gjë që e bën këtë lajm të papritur për shumë ndjekës.
Duket se pavarësisht përpjekjeve për të ndërtuar një jetë të qetë në Teksas, rrugët e tyre tashmë janë ndarë, duke e lënë Bellën të fokusohet plotësisht te karriera dhe shëndeti i saj. /Prive By Liberta Spahiu
