Futbollisti i Kombëtares së Kosovës dhe ylli i klubeve të njohura evropiane, Milot Rashica, ka bërë një investim të madh në Kosovë.
Miloti ka blerë një shtëpi të re në një prej lagjeve më elitare dhe të kërkuara në vend, Marigona Hill.
Lajmi i kësaj blerjeje luksoze u bë publik nga bashkëshortja e tij, Belkiz Kera.
Ajo ndau një fotografi në llogarinë e saj në Instagram, ku shihet pamja e shtëpisë moderne.
Belkiz përdori emoji-t e një shtëpie, një puthjeje dhe zemre, duke konfirmuar entuziazmin e tyre për shtëpinë e re.
Vila, me një dizajn modern dhe fasadë me tulla, premton të jetë një strehë luksoze dhe e qetë për familjen Rashica.
Kujtojmë se Miloti dhe Belkiz janë prindër të dy djemve.
Kjo shtëpi e re do të jetë foleja e ëmbël për familjen e tyre të vogël, e cila tashmë është e kompletuar me dy djemtë: Tian dhe Roan.
Kjo blerje tregon lidhjen e fortë të futbollistit me Kosovën dhe dëshirën e tij për të investuar në vendlindje, pavarësisht karrierës së suksesshme ndërkombëtare. /Prive By Liberta Spahiu
