Modeli i njohur shqiptar, Rolando Lekaj, i cili prej vitesh ka ndërtuar një jetë mes luksit dhe biznesit në Kinë, ka konfirmon publikisht se marrëdhënia e tij me sipërmarrësen kineze, Tereza (e njohur gjerësisht si Kienza), ka marrë fund.
Lajmi u bë i ditur nga vetë Rolando përmes një postimi në llogarinë e tij në Instagram. Pasi kishte zgjedhur të qëndronte në heshtje për një kohë, duke i lënë hapësirë spekulimeve, ai ka vendosur të thyejë akullin dhe të sqarojë situatën për ndjekësit e tij, duke pranuar se ai dhe Kienza kanë marrë rrugë të ndryshme.
Kjo ngjarje shënon fundin e një historie dashurie që u ndoq me shumë interes nga publiku shqiptar dhe ai ndërkombëtar. Martesa e Rolando Lekajt me Terezën, një nga figurat më me ndikim në fushën e bukurisë në Azi, pati bërë bujë të madhe disa vite më parë. Ata u shfaqën shpesh si një çift i bashkuar dhe i suksesshëm, duke u konsideruar si një “power couple” ndërkombëtar.
Gjatë viteve të tyre së bashku, Rolando dhe Kienza ishin të njohur për prezencën e tyre të rregullt në ngjarje prestigjioze globale, si ankandet e bamirësisë gjatë Festivalit të Filmit në Kanë, ku shfaqeshin gjithmonë krah njëri-tjetrit. Përkushtimi i tyre ndaj bamirësisë dhe stili i jetesës mes luksit dhe biznesit, i bënë ata një nga çiftet më të përfolura.
Për të kuptuar peshën e këtij lajmi, duhet të kujtojmë se si kjo marrëdhënie ishte portretizuar. Në pak intervista që Rolando kishte dhënë, ai kishte folur me tone admirimi për partneren e tij, duke e cilësuar si një “grua të fuqishme” dhe një “sipërmarrëse të jashtëzakonshme”.
Ata nuk fshehën asgjë nga jeta e tyre luksoze. Në profilet e tyre, ndjekësit mund të shihnin udhëtime në destinacione ekzotike, pjesëmarrje në festa ekskluzive, dhe akses në markat më të shtrenjta të modës. Për shumëkënd, Rolando Lekaj ishte kthyer në një simbol të suksesit shqiptar jashtë vendit, duke u martuar me një grua me influencë dhe duke jetuar një jetë që shumë e ëndërronin. Deklaratat e tij të kaluara theksonin se luksi ishte një rezultat i punës së madhe dhe se ai ndihej i bekuar që e ndante këtë jetë me njerëzit që donte. Tani, ky kapitull duket se po mbyllet.
Pavarësisht kësaj periudhe dhe faktit se ata kanë edhe një djalë, vendimi i tyre për të marrë rrugë të ndryshme është tanimë definitiv. Fokusi i tyre i tanishëm pritet të jetë ruajtja e privatësisë, veçanërisht për djalin e tyre, në këtë kapitull të ri të jetës së tyre. Ne do të vazhdojmë t’i ndjekim zhvillimet, por tani për tani, konfirmimi i Rolando Lekajt i jep fund çdo dyshimi. /Prive By Liberta Spahiu
