Javë më parë, Prive By Liberta Spahiu përmes rubrikës “E vërtetë, e pavërtetë” raportoi për prishjen e shoqërisë mes Monika Salihut dhe Arta Bajramit. Ky zhvillim erdhi pas potpurisë së përbashkët të realizuar në fundvitin e kaluar, duke lënë ndjekësit të habitur dhe kureshtarë për arsyet që çuan në këtë hatërmbetje.
Për këtë temë, Monika ka folur për herë të parë në një intervistë për gazetarin Granit Miftari dhe aktoren Arjola Demiri në TV21. Ajo e ka vlerësuar maksimalisht Artën si artiste që nga vitet e hershme të karrierës së saj, duke nënvizuar se respekti i saj ndaj këngëtares mbetet i pandryshuar.
Mbi incidentin që prishi raportin e tyre, Monika ndau detaje të sinqerta duke treguar se nuk ishte një situatë e qetë.
“Nuk e di kush tek çka ka folur. Arta Bajramin e respektoj me mish e me shpirt dhe tërë jetën kam me e pasur këtë ndjenjë. Jemi rritur në një kohë të përbashkët. Bëmë dy bashkëpunime që përfunduan. Me mua s’ka me pasur askush halle serioze. Ka qenë një moment i pakëndshëm në një studio. Unë e kam fobi kur dikush më bërtet. As babai nuk ma ka bërë këtë gjë, prandaj të vjen inati. Dhe ndodhi në atë moment. Asgjë më shumë. E kuptoj Artën si një nënë që vuan. Ajo është një njeri shumë i mirë dhe i dëshiroj suksese. Vetëm nuk e duroj të më bërtitet”, u shpreh ajo.
Për ta ç’tensionuar situatën, Monika theksoi se nuk ka asgjë personale mes saj dhe Artës, madje nuk e përjashtoi as mundësinë e ndonjë bashkëpunimi tjetër në të ardhmen. /Prive By Liberta Spahiu
