Mozzik sjell surprizën më të madhe të këtij viti – një biznes që askush nuk e priste.
Reperi ka vendosur të investojë në një projekt krejt ndryshe nga muzika, duke hapur një çerdhe moderne me emrin “HanaKids”, frymëzuar nga vajza e tij, Hana.
Vetë ai e bëri publik lajmin me fjalët: “HanaKids po hap dyert sot! Nga e hëna, më 25 Gusht, fillojmë punën me dashuri dhe përkushtim për më të vegjlit tanë.”
E vendosur në lagjen Panorama Residence në Ferizaj, qendra ofron mbi 1300 m² hapësirë të dedikuar për fëmijët. “Një çerdhe moderne me 1300 m² hapësirë në zemër të lagjes Panorama Residence – Ferizaj, ku çdo fëmijë do të ndihet si në shtëpi,” shkruan ai.
Përtej aspektit biznesor, ky projekt mbart një mesazh të fortë nga Mozzik si baba. Ai shton: “Fëmijët janë e ardhmja jonë – ata nuk kanë nevojë vetëm për kujdes, por për dashuri, siguri dhe një ambient që i rrit me buzëqeshje e dituri.”
HanaKids, që mban emrin e vajzës së tij, shihet si një dedikim i ndjerë dhe një investim që e dallon reperin nga shumë të tjerë në estradë. Në përmbyllje, ai nuk lë pa theksuar: “Sepse çdo fëmijë meriton më të mirën!”. /Prive By Liberta Spahiu
