Pas një periudhe të gjatë ku produktet e saj janë bërë pjesë e preferuar e kujdesit personal për shumë kosovarë, Natura Therapy ka ndërmarrë një hap të madh drejt klientëve të saj besnikë.
Java që lamë pas shënoi inaugurimin e dyqanit të parë zyrtar në lagjen Arbëri të kryeqytetit.
Në ceremoninë e hapjes ishin të pranishëm shumë klientë, dashamirë të produkteve, por edhe fytyra publike që prej kohësh i besojnë kujdesin e tyre personal markës Natura Therapy.
Atmosfera festive dhe prezantimi i gamës së produkteve të reja u shoqërua me entuziazëm nga të ftuarit.
Me këtë rast, kompania ka vendosur të shpërblejë klientët e saj duke ofruar zbritje të mëdha në produktet e tyre, duke e bërë hapjen e dyqanit jo vetëm një moment festiv, por edhe një mundësi ideale për blerje të favorshme.
Ky është vetëm fillimi për Natura Therapy. Kompania ka bërë të ditur se pritet të hapë edhe pika të tjera në qytete të ndryshme të Kosovës, duke synuar të jetë gjithnjë e më pranë konsumatorëve të saj dhe duke ofruar shërbim më të drejtpërdrejtë e cilësor.
Natura Therapy mbetet një nga emrat më të besuar në tregun e produkteve të kujdesit personal, duke fituar çdo ditë e më shumë klientë falë cilësisë dhe inovacionit. /Prive By Liberta Spahiu
