Babai i këngëtares pop Rihanna, Ronald Fenty, vdiq sot në mëngjes në moshën 70 vjeçare.
Patriarku ndërroi jetë në Los Angeles pas një “sëmundjeje të shkurtër”, megjithëse shkaku i saktë i vdekjes nuk u zbulua menjëherë, raportoi fillimisht Starcom Network News.
Rihanna kishte një marrëdhënie të ndërlikuar me të atin për shkak të problemeve të tij me abuzimin me drogën dhe alkoolin. Ai dhe nëna e këngëtares, Monica Braithwaite, u divorcuan kur Rihanna ishte 14 vjeç.
Në një intervistë të vitit 2011 me Vogue, Rihanna e quajti marrëdhënien baba-bijë “vërtet të çuditshme” dhe tha se ai kishte bërë gjëra “kaq të çuditshme saqë nuk mund ta kuptoj dot”. Por në vitin 2012, Rihanna tha se të dy e kishin “riparuar” marrëdhënien e tyre dhe, pavarësisht se shpesh raportet e tij me nënën ishin “të tmerrshme”, “nuk krahasohej me sa i shkëlqyer ishte ai si baba”.
Para vdekjes së tij, Fenty ishte në Qendrën Mjekësore Cedars-Sinai, ku djali i tij, Rajad Fenty, e vizitoi atë këtë javë. Rihanna nuk ka komentuar publikisht për ndarjen nga jeta të të atit. Vdekja tragjike vjen në një kohë kur Rihanna pret fëmijën e saj të tretë me të dashurin e saj A$AP Rocky. /Prive By Liberta Spahiu
